Агуулга руу очих

Монгол хүүхэд бүлгэм

А.Энхтуул шатрын дэлхийн аварга боллоо
Монгол хүүхдүүдийнхээ талаар сонирхолтой мэдээ мэдээллийг блог сайтаараа та бүхэнтэй хуваалцаж байя гэж бодсоны үндсэн дээр Монгол охин спортын хаан оюуны спортоор дэлхийн аварга болсон энэхүү бахархал дүүрэн мэдээллийг хэсэгчлэн хуулан хүргэж байна:
А.Энхтуул шатрын дэлхийн аварга боллоо Манай улсын өсвөрийн тамирчин ОУХМ Алтан-Өлзийн Энхтуул шатрын өсвөр үеийн дэлхийн аварга боллоо.
Энэ удаагийн шатрын өсвөр үеийн дэлхийн аварга шалгаруулах тэмцээн Туркийн Кайсери хотноо долдугаар сарын 21-30-ны өдрүүдэд явагдаж өндөрлөлөө. Манай улсаас 15 насны ангилалд Б.Баярмаа, 17 насны ангилалд ОУХМ А.Энхтуул нар оролцсон юм.
"FIDE" буюу Олон улсын шатрын холбоо, сурагчдын шатрын дэлхийн аварга шалгаруулах тэмцээнийг амжилттай зохион байгуулжээ. Энэ удаагийн тэмцээнд дэлхийн 29 орны 500 гаруй өсвөрийн шатарчин оюун ухаанаа уралдуулсан ажээ. Тус тэмцээнд ОУХМ А.Энхтуул сүүлийн өргийн тоглолтод Туркменистаны шатарчин дэлхийн аварга Жораева Говхертэйг буулган авсан байна. Ийнхүү А.Энхтуул хувийн тоглолтоороо өсвөрийн дэлхийн аварга хэмээх нэр хүндтэй цолыг эх орондоо анх удаа авчирлаа. Түүнтэй сүүлийн өрөгт тоглосон Туркменистаны шатарчин 17 насны ангиллын дэлхийн чансааг тэргүүлж явсан юм.

Өмнө нь А. Энхтуул 2006 онд Чехийн Прага хотод болсон өсвөр үеийн багийн дэлхийн аваргад амжилттай оролцож, өөрийн багийн гурван хүүхдийн хамт алтан медаль хүртэж байсан билээ. Мөн тэрбээр 2008 онд Германы Дрездин хотноо болсон насанд хүрэгчдийн дэлхийн шатрын олимпиадад их мастер Б.Мөнгөнтуул, ОУХМ Д.Янжиндулам, спортын мастер Ц.Мөнхчулуун нарын хамт амжилттай тоглон багаараа дөрөвдүгээр байрт, "С" хэсэгтээ тэргүүн байр эзэлж тусгай байрын шагнал, цомыг хүртэж, спортын мастер Ц.Мөнхчулууны хамт ОУХМ болох болзлыг хангасан билээ.

Нэг хэсэг Сэлэнгэ аймгийн Алтанбулаг сумаар овоглон явсан ОУХМ А.Энхтуул анх есөн настайдаа “Төр Монгол” сургуулийн шатрын клубт орж хичээллэсэн байдаг. Түүний дараа Биеийн тамирын "Аварга" дээд сургуулийн харьяа лицей сургуульд сурч байжээ. Түүнд анх шатрын эрдмийг зааж өгсөн ачтан бол яах аргагүй З.Батболд багш юм. Харин тэрбээр 2006 оноос хойш Монгол Улсын гавъяат дасгалжуулагч, олон улсын мастер П.Жигжидсүрэн багшийн удирдлага дор бэлтгэл сургуулилaлтаа хийж байгаа.

А.Энхтуулыг бага байхад шатрын спортоос гадна урлагийн гоц авьяас нь илэрч байв. Тэрбээр 2001 онд "Бяцхан тод авьяастан" тэмцээний тусгай байрын шагналыг хүртэж, Монголын Хүүхдийн Ордны "Эрдэм" алтан медаль, Монголын Хүүхдийн Төлөө Үндэсний Төвийн "Авьяас" алтан медалиар энгэрээ мялаалгаж байсан. Харин 2002 онд "Шилдэг авьяаслаг сурагч", мөн ондоо өсвөр үеийн "Алтан цом" дууны уралдаанаас мөнгө, дараа жил нь тус уралдаанаас алтан медаль хүртэж байв. Сэлэнгэ аймгийн Алтанбулаг сумандаа 2002 онд "Дэгдээхэй нас-1" анхны бие даасан тайлан тоглолтоо хийсэн. Түүний дараа жил "Дэгдээхэй нас-2" тоглолтыг хийж байлаа. "Цоглог нас" бие даасан тоглолтоо 2003 онд Хэнтий аймгийн Бор-Өндөрт, 2004 онд Өвөр Монголын Хөх хотод тус тус хийж, "Хүслэнт нүүдэл" шатрын номоо 2009 онд гаргасан билээ. Багаасаа авьяаслаг, хөдөлмөрч дайчин хүүхэд байсны тод жишээ нь энэ бүхнээс харагдана.

Өсвөрийн дэлхийн аварга А.Энхтуулын амжилт гаргах боломж бололцоог нь хангаж өгдөг Дарханы "Хар төмөрлөг"-ийн үйлдвэр, "Бороо гоулд" компани, "Монгол Чех металл" компанийн хамт олонд баярлаж талархах нь зүйтэй болов уу. Эдгээр компаниуд Монголын шатрын спортын түүхэнд мөнхрөх гавъяа байгуулж, оюуны спортод нүдээ олсон хөрөнгө оруулалт хийж чадлаа. Ийнхүү 14 настайдаа ОУХМ-ын болзол хангаж байсан А.Энхтуул, 17 насандаа дэлхийн шатрын өсвөр үеийн аварга болсон нь Монголчууд бидний бахархах зүйлийн нэг боллоо.

Н.Отгонбаатар


Мэдээллийн эх сурвалж: http://news.gogo.mn/r/74027

| хавчуулах | Биздэх | Илгээх | Сэтгэгдэл (1) | 1504 хүн уншсан
Сэтгэгдэл бичих

Сэтгэгдэл:

энхтуул-даа амжилт хүсье, чамайг маш их ирээдүй хүлээж байна. гоё шүү
upshot_gp хэзээ бичсэн: 10:08, 2010-10-28 | Холбоос | |

Бүртгэлтэй нэрээр бичих
 
  хариу
Зочин нэрээр бичих

:-)
оруулах
 
<< Эхлэл | < Өмнөх | Дараах >

Нийт: 25-с 3-р хуудас.

Шинэ сэтгэгдлүүд

  • Холбоо барих бичлэгт Зочин: монгол хүүхэд бүр айх аюулгүй амар тайван ,аж төрөх эрхтэй. гэж үндсэн хуульд заасан байдаг тэгвэл э...
  • Хандивын данс бичлэгт Алмас: Сайн байна уу, Тэр талаар сайн мэдэхгүй байна. Тийм ялгаа байдаг юм болов уу даа. Манайх лав энгийн ...
  • Холбоо барих бичлэгт Зочин: сайн байна уу? манай дүү одоо 7 сартай зүрхний ховдол хоорндын цоорхой тархины хатингаршилтай бээжин...
  • Хандивын данс бичлэгт Зочин: хандивын данс нээх гэсэн юм яаж нээдэг юм бол?? мэдэх хүн байна уу?? одоо 7 сартай ховдол хоорондын ...
  • БИ ЧАДНА бичлэгт erdene oyu (зочин): vneexeer goe yum aa bi xolbogd moor baina xolbogdox utas baina uu
  • Хандивын данс бичлэгт Алмас: 2015-3-21 20,000.00 БОЛОРТУЯА-С гээд мөнгө орсон байна. Баярлалаа.
  • Холбоо барих бичлэгт Алмас: Бас яг байгууллага бол биш. Одоогоор идэвхтэй үйл ажиллагаа явуулж чадахгүй байгаа.
  • Холбоо барих бичлэгт Зочин: энэ байгууллага одоо үйл ажиллагаа явуулж байгаа юм болов уу? хариу өгч туслаач.. хамтарч ажиллах гэ...
  • Монгол Улсын хамгийн залуу дэлхийн аварга Д.Номин-Эрдэнэдээ ... бичлэгт Зочин: чамд маш том амжилт тохиож байна би чамайг хараагүй ч гэсэн нүдэнд чинэ баярын жавхаа ...
  • Хандивын данс бичлэгт Уянга (зочин): Манай дүү Б. Амин - Эрдэнэ нь 2014 оны 4 сарын 4 өдөр төрөлхийн зүрхний ховдол хоорондын цооролттой ...

Манай зарим гишүүд

obod shuudshuud ayunga oogiinoo

Тоолуур

2009 оны 6-р сараас хойш 59717 дахь зочин маань та боллоо. Баярлалаа.

idiomatic-dormant
idiomatic-dormant